係悠長既XX歷史入面，曾經遇到一個係床上面勁多野講既人。如果係Juicy Dirty Talk我諗我都還可以接受到，但好可惜，佢只係不停問問題 :
「你想點玩」
其實除左要玩fetish 事前要講好準備道具外，有經驗既人永遠都係跟住個FLOW 去，唔會特別問。同埋其實「你」有咩想玩就大方講啦，又想玩又要面子唔敢講，NO !
用花五鐘兜大圈，不如真接啲好唔好??
「我入啦好唔好」
原本係好caring既一句說話，但係佢講完0.5秒之後即刻進入左，完全係假咨詢，假民意。
最PK係佢完全無幫我亦唔容許我做熱身，最幸運係佢一啲都唔大。
「我係咪好大」
屌，佢真係問! (by the way 真係好大既人最鍾意就係話 「我都唔算好大啫」。唉，男人)
仲要進入緊既時問我呢個問題，咁同打劫有咩分別? 我當下面都彊埋，只能夠口震震咁話 「都ok呀」 我份人真係唔鍾意講大話。
後來睇得高官答記者問題多，我終於搵到秘訣。之後再有人問時我會即答 「好硬呀」「唔會唔舒服」「我無講過佢唔大」總之死遊花園。
Sorry 扯遠左。 之後高潮 (唔係我果個) 一浪接一浪，係佢大概出出入入左三下之後，佢忽然停低問我
「係咪未試過咁正呢? 」
我頂!!!!!!!!!!!!!!!!!!! 擺到明係忍唔到要射啦 ! 得果三下你仲好意思問 ???
但我覺得我脾氣真係好，當下只係合埋眼，係咁扮喘氣話我「好想要」「唔好停」，諗住快快手了事。睇佢呢個狀況最多五分鐘。我同自己講，忍埋佢(但我唔知點解我要忍) 但佢梗係要挑戰我既底線。
「舒唔舒服呀? 係咪好舒服呀? 」
呢個時候我覺得夠啦，無謂再糾纏落去，你贏 ! 你要嘛，我俾你 ! 我即刻扮到勁楚楚可憐咁，皺一皺眉 「你太大啦，我好痛，可唔可以快啲出」。
如是者，佢即刻好開心好興奮咁係咁易多三下，完事............
Gentlemen，唔好玩國王的新衣。男人concern既長短快慢軟硬，係咁就係咁，問多兩次都改變唔到。何苦為難自己為難人呢? 遇著仆街講咩都死，遇著個無乜野，大家心入面明架啦，使介意 (最多下次唔搵)
你真心care自己既表現，就請你勵精圖治、莊敬自強 (好似唔係咁用)
做多啲，講少啲。
0 意見:
張貼留言