Sex Toy

同Patsy 係跑馬地馬場跑步 (係呀，其實會做運動架)。邊跑邊chit chat，練氣之餘又可以講是非，真係好身心舒暢。

「果日我同事阿Yuki姐懶神秘咁捉左我去後樓梯傾密計，話佢好耐無同佢老公咩咩咩 ，想我陪佢去Sex Shop 諗住買啲玩具撩下佢老公。又話我呢啲基佬一定識」

「你叫佢算把啦，佢唔知情趣用品全名係「有情時增加樂趣既用品」咩? 咁耐無咩咩咩啫係已經唔愛啦。如果著下水手服就可以搞得掂，天下間就唔會有咁多怨婦同咁多二奶啦」Patsy 反白眼反到上天靈蓋。

我一路望住隔離跑道個大隻仔，續道「我都係咁話，佢果時為生仔日日逼佢老公搞，真係咩情趣都無晒， 家下生完我係佢老公都唔敢搞啦。話時話有時啲...人 ..」 我望一望Patsy 將個「女」字吞左落肚 「 自已想要就用個愛字迫人就範，唔想要時就話人地做乜迫佢咁自私。嗱，報應真係黎到好快」

「最弊報應黎左都仲未知死，仲要死問 : 點解你唔愛我 ??? 我睇你同事都應該無得救喎  」 Patsy 口氣勁不屑。

「唉，我鬼唔知咩，但推唔到呢，話晒同Team。佢將咁大個秘密話我聽我已驚左幾晚，我不知幾想有部時光機送我番去果日請Sick leave。 」

「叫左你唔好同同事熟啦 : 唔好私下見面，唔好加FB，唔好唱K，唔好食飯，唔好打牌，唔好一齊買衫仲要俾意見。抵你死啦，咁點呀，最後有無去到? 」

我跑到無氣，停低 「有啦。果日放工就帶佢去啦，快快手搞掂唔好夜長夢多。佢一時又話要手扣一時又話買制服。唉，額頭即時冒三滴冷汗。我水佢話其實淘寶有，叫佢望下先。然後逼佢買左支假狗，教佢餵飽自己先諗其他野」

Patsy 同我行埋一邊拉筋「Good job。你知唔知呢啲賤人衰左時最鍾意做乜呀?  頼人呀! 總知全世界都有錯都唔會係佢錯。 一陣佢扮完護士但佢老公都唔肯搞時，佢實話係你累到佢家庭破裂架 !!  買Dildo啱架啦，咁你有無叫佢買你用開果支黑人Size喎」

「頂你啦我細食架!  我幫佢揀左個細Size，你估我唔驚佢一陣玩到鬆又頼我咩。但你知唔知最好笑係乜?  佢勁好奇咁問支Dildo個分叉有咩用?」

Patsy 反白眼直頭反到落腦「OMG，陰蒂都唔知乜黎?  叫佢番去讀Bio啦。一個女人點可以連自己身體都唔識取悅?   你個同事其實最應該去見下社工，醫下自己啲問題先」

我地行番去locker準備換衫，我隨手望一望電話，忍唔住噴晒口入面既水出黎。訊息題示:

Yuki : 「我搵到快樂既泉源啦! 多謝你 ! 」