係耀華街Happy Hour ，Patsy 又係到分享佢琴日玩既小鮮肉。
「Eddy我話你聽，後生仔真係唔同啲。果種堅硬度同女人17 歲既皮膚一樣，真係可一不可再，過左就無架啦」
「咁你下次咪買支SKII當神油俾條仔擦，睇下佢會唔會J 齡逆轉囉」
「頂你啦我邊有仔呀。話時話就當支SKII 真係Work，你買黎叫個男人搽，啫係明指住佢個鼻話佢唔掂啫? 想死咩。搞咁多野不如執件小鮮肉好過」
「但係後生仔乜都唔識，分分鐘連Kiss都唔識，淨係牛耕田咁又有乜好玩呢? 」
「唔好天真同唔好傻唔該，家下年紀大guarantee 有experience? 」
我想起某一個前任，好，你贏!
「你係永遠都不能否認，年青就有佢年青既力量。而且最重要係啲仔仔覺得你係姐姐，會多少尊重你、體貼你多啲，而唔係當係個吹氣公仔咁做。」
我又想起某一個前任.............
「咁你以後淨係溝小鮮呀? 」
「No !我只係想對自己好啲，俾多個選擇自己啫。I just come with whoever just fit 」Patsy 抽了一口煙道 「 男人已經愈來愈少，有一大部份最優質既都好似你咁係基佬。 無理由仲要夾硬篩走選擇，仲要係最優質果隻。」
「可惜係香港地，個男仔只係細女仔幾年都俾人講」我想起我的朋友，忍不住慨嘆
「有進步啦，以前細一年都好似世界末日咁，家下細2，3 年唔count 架啦」
「之但係咁，到底係介意人地講，但其實係自己介意」 Pasty 望住我淫笑道
就真係你自己心知啦」
0 意見:
張貼留言