話時話，有時要寫下開心野，唔好搞到自己成世人搞野都好似好坎坷。
話說第一個教識我French kiss既，真係一個法國佬。
想當年還年幼既時候，某年暑假去海灘曬太陽。當日係閒日，即使係深水灣都少人都爆。我揀左個角落諗住慢慢曬，就係咁遇上我人生第一個鬼佬，仲要性感果隻。
係我曬曬下既時候，佢走埋黎同我傾計。講左兩句，我知道左佢係法國人之後，就用我係alliance francaiseh level 1 學過既而記得既唯一法文， J'aime le français 咁開始同佢flirt。可能係我個樣實在太姣既關係，講左兩句佢就好自然咀左落黎。
就係咁，我學識左kiss 原來係要伸脷，而且仲要好似洗衣機咁轉黎去。
當然天外有天，人上有人。
隔左幾年，由一個日本人，親身教識我，原來French kiss既極致係可以將一個人既慾火徹底撩晒出黎。 (所以話一生人點都要同日本人搞一次學下野，佢地跟本就係活生生既性愛教科書。)
話說當年第一次去日本，膽粗粗上左聞名已久既24發展場，遇到我生命中第一個日本男人。
我仲記當晚人好多、環境好暗，但佢就好似漆黑中既螢火蟲咁出眾，當我追逐住呢一點光時，咁啱，佢回頭望向我呢個方向，當我地互相對望既一剎，大家都知道，係佢啦。然後就好有默契，手拖手入左房。
正所謂年少氣盛，男人呀～！ 做呀～! 當我好心急咁撲埋去準備飛禽大咬之際， 佢竟然快過我一手捉我一隻手，然後將我轉身推埋牆，唔俾我郁。
就係呆左唔知點算時，佢好溫柔咁錫左落黎。
正所謂年少氣盛，男人呀～！ 做呀～! 我即時大蛇丸上身，成條脷飛晒出黎回應，打算用我係法國佬到學番黎既本領施展出黎 ，佢竟然縮開。
我再撲，佢再縮。如是者反覆兩三次後，我終於明佢想點。
佢就係要我唔郁！
咁我唯有死魚咁，任佢指揮。
佢先係好溫柔咁蜻蜓點水式錫我個咀，再用鼻擦一擦我個鼻。然後再慢慢含住我個下唇輕輕一下一下咁錫。
只係簡單兩下，以後令我身心投入係果個情緒，我開始模仿佢既輕輕錫佢既上唇，然後我地四片咀唇就溫柔地糾纏在一起，一下一下咁錫。
我好似一舊綿花糖咁，個心慢慢俾佢燒熔左。
佢見我跟到佢既節奏，就鬆開我對手，然後一手抱腰一手托住我後腦，慢慢將條脷伸左入黎。 我亦都試探性咁伸出我條脷
果一剎就好似掂到ET隻手指咁，全身觸電。
佢開始用極緩慢既速度由左到右輕輕掃我條脷，坦白講，呢一下我幾乎CUM左。如是者，掃下掃下，慢慢變成轉圈 (勁過張三丰)，呢個時候我已經按奈不住，開始順住佢節奏逆時針轉我條脷，就係互相探索既過程入面，我地逐漸同步，
然後係某一點，兩條脷神乎其技地融為一體 !
唔單止我既慾火去到頂點，而且有一種濃烈既戀愛感覺充滿全身，好似味吉洋一食到最好食既鰻魚飯時，全身有種幸福既感覺。
果一次係過程係近十年one of the best。
A good kisser is a good lover 我終於明點解。
0 意見:
張貼留言