「週日童話」
傳說，每一間公司總有位創意無比，好Innovative好design既老鬼。
今日要介紹既係朋友P既公司。
一直以來，朋友P在公司都工作愉快，過住平淡過日子。
有一日，上天可能見員工只有創意而唔創新(!)，於空降一位阿叔級既IT Director 。雖然公司原本就已經有位IT Direct，但係為創新「今日空降呢一步 總比聽日空降呢一步早一日」。於是乎原本果位只好摺埋一角。
新官上任三把火，梗何況係咁Innovative既阿叔? 上任不久即黎料:
「鑑於公司已經有WIFI，所以無謂浪費資源，從明日開始大家用WIFI辦工，公司會截斷寬頻上網。」
................... 係咪好燃innovative 呢?
朋友P放假番黎不知就裡，照樣做野，然後當佢發現一個EMAIL開左半．個．鐘．都未LOAD完時，即時係個位崩潰嚎哭。梗係啦，成百人一層SHARE一個WIFI。
係朋友P準備黎料時，佢同事搭一搭佢膊頭講左句
「收聲 ! 唔準叫 ! 投訴既野等．啲．傻．佬．做 !」
結果當然無人做傻佬，香港人最鍾意逆來順受兼執小便宜。
同一時間IT DIRECTOR都發現有問題，召人入房
「公司既電腦好有問題 ! 你睇下個漏斗停左係到不停轉無郁過 ! 証明個電腦太慢，咁樣同事做唔到野 ! 你地要換過晒啲新電腦! 」
嗱，呢啲先係做大事架嘛。
每一個童話都有美滿結局，呢個都唔例外。
話說呢位DIRECTOR將會離開進入新成立的「創科局」。拎更高人工， 快快樂樂生活下去。
-完-
故事純屬虛構，真實只有更荒謬。
0 意見:
張貼留言