Absolutely Fabulous - 甘荀仔

同Patsy 食Brunch ，我係咁攪下碟入面果份好難食既All Day Breakfast，順手叉起碟上既甘荀仔問Patsy

「喂，你有無試過咁細架? 」

Patsy舉起手指公比一比 「差不多size，有，仲要幾個。」

「咁你有無學Samantha講 are you in already ? 」

「我無你咁賤，而且佢句對白都唔係咁」Patsy翻燃晒白眼，我睇佢練多幾年快可以翻到落屎眼「你當我下面係尼斯湖，淨係擺得落水怪?  再細都一定知入左啦，你自慰時放隻手指入去feel 唔到既? 只係感覺大小既問題啫。」

「咁你遇到咁細既時候會唔會即刻走人? 」

「咩世面未見過?  細就要走?  痴線。坦白講係我心目中6寸以下既所有都無分別。除非有危險同好難頂，約左就玩啦。開心有好多種， 一個男人除左果度仲有手同口架嘛。好似SATC個Mr. Pussy咁at the end無人知佢大定細，但每一個女人都好滿足。」

我覺得好好奇 「咁你點幫佢出呀? 幻想自己唧牙膏，用兩隻手指係咁推啲白色野出黎?」

「頂你啦，把口咁賤小心收尾果兩年。我話你聽，男人有兩樣野係呢世都過唔到，一個係身高一個就係佢大細問題，呢樣係天生佢都唔想，唔該當面乜都唔好講」

Patsy 扯啖煙繼續講「話時話係我Top 5 buddy入面就有一個係細。我同佢之間既interaction係無人代替到。不過啲咁高層次既野你唔明架啦」

「我明，我以前有一個date我都幾鍾意，鍾意到拍左一個月拖先決定搞野，點知.... 其實我無所謂，我覺得抱住kiss 都好好好feel。我覺得2 become 1 果個感覺大過啲。可惜佢過唔到，唉。我好想同佢講唔使咁介意」

「你見到彭于妟會唔會同佢講你好介意佢靚仔? 頂，講得出啫係介意啦。」

「最好扮無野。呢啲位要靠個男人莊敬自強， 自己超越。咁我問你，如果呢個date佢唔自卑，你會唔會同佢一齊定還是都係介意佢細? 」

「咁真係要一齊go through 好多野，好鍾意先得」

「屌，慳啲啦，啫係唔得啦。唔得就唔好搞人， 知無? 」

我即刻低頭食晒成碟all day breakfast ....連埋條甘荀仔