老笠

由《選老頂》王晶式黃絲電影到 《樹大招風》 標準杜其鋒，到最後出場cult cult 地既《老笠》。 2016年開首三套關於香港的電影，無疑《老笠》得到的關注實在太少。

老笠做引子，其實一人一故事：癈青無能、港女無知、隱基(closet gay) 無恥、老人無助。講霸權凌駕專業、黑警濫用權力、地產霸權、黃藍之爭等等等等、似乎雜亂無章，但夾硬放晒係一間便利店內發生作困獸鬥狀，講到尾都係講香港。

真心電影前半段幾趕客，見住柳俊江中途走人我其實勁有衝動跟埋走（by the way 佢真係好大隻，心心眼） 幸好後半漸入佳境，最後轉折位亦有驚喜。

純電影欣賞角度睇係有不足，以支持港產片角度睇，誠意火氣絕對有。拉勻一生計其實比《選老頂》更值得入場支持。起碼《老笠》唔會強行植入潮語對白充斥場面，而係更有心思地包裝過 。

至於同 《樹大招風》比， well，我肯定《老笠》演員無人大政協囉。

（差不多無戲院上先寫，真心sorry ，係我懶對唔起 ）